Çfarë i tha Endrit Thaçi Ramës pas takimit në Tiranë?

TIRANË — Endrit Thaçi, djali i ish-presidentit Hashim Thaçi, është takuar sot me kryeministrin shqiptar Edi Rama. Në një postim në rrjete sociale, Thaçi e cilësoi takimin si "të veçantë" dhe e falënderoi Ramën për mbështetjen e tij.

"Kryeministër, faleminderit që qëndruat në anën e së vërtetës kur shumë të tjera zgjodhën heshtjen!", shkroi Thaçi. Ai e vlerësoi Ramën si "ndër më të zëshmit në mbrojtje të luftës së UÇK-së dhe të vërtetës së saj në Hagë".

Hashim Thaçi aktualisht po përballet me proces gjyqësor në Gjykatën Speciale të Hagës, akuzuar për krime lufte gjatë konfliktit të UÇK-së.

Burim: Gazeta Metro
— Redaksia ZHURMA