Elijona Binakaj flet pas hakimit të Instagramit dhe zbulon situata të reja

Elijona Binakaj ka reaguar përmes platformës X pas lajmeve se llogaria e saj në Instagram është hakuar dhe ende nuk ka arritur ta rikthejë. Ajo i ka falënderuar ndjekësit për mesazhet dhe mbështetjen e vazhdueshme, duke zbuluar se përtej asaj që shihet në rrjetet sociale po përballet edhe me situata të tjera që publiku nuk i di.

Në mesazhin e saj, ajo ka shkruar: «Hey zemra, faleminderit për çdo mesazh dhe çdo mbështetje që ma jepni çdo ditë. I’m okay por jooo edhe në ditët mat mira me ju than të drejtën hahaha. Ndonjëhere gjanat nuk shkojnë siç dëshiron dhe ndodhin shumë gjëra që ju nuk i shihni… Por një gjë është e sigurt, nuk ka gja që une nuk mund ta përballoj hihi. Besoj që edhe Instagrami jem rikthehet gjatë këtyre diteve. Shpresoj të shihemi shumë shpejt aty prap. Ju dua pafund!»

Binakaj është shprehur optimiste dhe e bindur se do t'ia dalë t'i përballojë të gjitha sfidat, ndërsa ka shpresuar që llogaria e saj të rikthehet gjatë ditëve në vijim për t'u rilidhur sa më shpejt me ndjekësit.