Çfarë prezantonjn ekspozita 'another time' në Prishtinë?

— PRISHTINË — Ekspozita personale e artistit visual, Arianit Beqiri, me titull 'another time', hapet sonte nga ora 19:00, në Galerinë e Arteve në Prishtinë. E kuruar nga artistja Rudina Xhaferi, ekspozita do të nisë me një performancë-instalim në platonë e Pallatit të Rinisë dhe Sporteve. Pas performancës, publiku do të ftohet të vizitojë hapësirën e Galerisë, ku do të prezantohen veprat e artistit.

Ekspozita 'another time' sjell një qasje të veçantë në prezantimin e krijimtarisë artistike, duke i ftuar vizitorët në një përvojë ndryshe të ndërveprimit me veprat. Kjo ekspozitë synon të krijojë një dialog mes artit bashkëkohor, hapësirës ekspozuese dhe publikut, duke ofruar një koncept kuratorial që ndërthur performancën me ekspozimin e veprave.

Burim: Klan Kosova
— Redaksia ZHURMA