Policia e Shkupit arreston dy kosovarë me 230 000 euro të falsifikuara

SHKUP — Dy shtetas të Kosovës, të moshës 30 dhe 44 vjeç, u arrestuan në Shkup nën dyshimin për falsifikim parash, me valuta të dyshuara të falsifikuara në vlerë rreth 230 mijë eurosh.

Sipas MPB-së, arrestimi u krye më 3 gusht nga zyrtarët e Njësisë së Policisë Intervenuese pranë SPB Shkup. F.R. (30) dhe T.T. (44), shtetas të Republikës së Kosovës, udhëtonin me një automjet të tipit "Golf", ku u gjetën euro, dollarë amerikanë, franga zvicerane dhe funta britanike.

Paratë u konfiskuan dhe të dy personat u dërguan në Stacionin Policor Qendër. Pas dokumentimit të rastit, në koordinim me prokurorin publik, do të dorëzohet kallëzim përkatës, ndërsa vepra cilësohet "falsifikim parash", sipas nenit 268 të Kodit Penal.

Burim: Gazeta Blic
— Redaksia ZHURMA