Dua Lipa fiton betejën ligjore për mbrojtjen e markës

Këngëtarja me origjinë shqiptare Dua Lipa ka fituar një betejë ligjore pranë Organizatës Botërore të Pronësisë Intelektuale të Kombeve të Bashkuara kundër një personi me bazë në Hong Kong, i cili shiste në internet produkte të paautorizuara duke përdorur emrin dhe imazhin e saj, pavarësisht se pasuria e saj vlerësohet në rreth 150 milionë paund.

Siç raportoi Zhurma më 29.10.2026, këngëtarja tërhoqi vëmendjen në Londër përmes angazhimit të saj në promovimin e leximit dhe bisedave letrare me shkrimtaren Zadie Smith.

Sipas të dhënave të publikuara nga Daily Mail, kompania mediatike e artistes, Radical22 Ltd, i ka sjellë asaj 23.4 milionë paund, ndërsa kjo kompani u themelua në vitin 2014 bashkë me babanë dhe menaxherin e saj, Dukagjin Lipa, dhe vlerësohet në 73 milionë paund. Ndërkohë, kompania Radical22 Live shënoi një fitim neto prej 6.2 milionë paundësh në vitin 2025, ndërsa turneu botëror Radical Optimism gjeneroi 162 milionë paund gjatë vitit të kaluar përmes 81 koncerteve.

Organizata Botërore e Pronësisë Intelektuale vendosi në favor të artistes pas ankesës së saj ndaj domenit dualipa-asiastore.com, i cili përdorej për shitjen e veshjeve, çantave prej kanavace dhe aksesorëve për kokën pa lejen e saj, duke urdhëruar transferimin e menjëhershëm të domenit te kompania e saj.

Në jetën personale, ylli i popit u martua më herët në një ceremoni private në Bashkinë e Marylebone në muajin maj, ndërsa më vonë organizoi një dasmë madhështore në Itali me një kosto të raportuar prej 1.5 milionë paundësh, ku mes të ftuarve ishin Charli XCX, Joe Alwyn, Mark Ronson dhe Donatella Versace.

Në një intervistë për Vogue Italia, Dua Lipa u shpreh se ajo dhe bashkëshorti i saj, Callum Turner, kishin dashur të shijonin çdo moment të festës së lor dhe të mos e humbnin kurrë njëri-tjetrin nga sytë. Këngëtarja shtoi se ambicia e saj profesionale mbetet e fortë dhe se ndihet me fat që ka në krah një partner që e kupton, ndërsa theksoi se jeta bashkëshortore mund të ndikojë në krijimtarinë e saj të ardhshme, duke synuar të eksplorojë dashurinë e vërtetë dhe kompleksitetin e një marrëdhënieje në këngët e saj.