Drita synon kualifikimin në Andorrë, Nuhiu kërkon fitore ndaj Inter Club d’Escaldes

Trajneri i Dritës, Ardian Nuhiu, ka thënë se skuadra e tij do të përballet me një ndeshje të vështirë të mërkurën në Andorrë, në kuadër të barazhit për kualifikim në Conference League. Ai ka theksuar se fokusi do të jetë te cilësia dhe loja e ekipit, duke shtuar se synimi është që në fund të arrihet kualifikimi.

Ndeshja e parë, e zhvilluar në Prishtinë, përfundoi me rezultat të barabartë 2:2, duke lënë gjithçka të hapur për përballjen e kthimit. Sulmuesi Arb Manaj ka shprehur optimizëm, duke vlerësuar se Drita është disi më e favorizuar se kundërshtari dhe se duhet të japë maksimumin për të dalë me fitore.

“E dimë që do të jetë ndeshje e fortë. Do të përqendrohemi te cilësia e skuadrës sonë. Synimi ynë është që në fund ta arrijmë kualifikimin”, ka thënë Nuhiu. Manaj ka shtuar: “Jemi disi më të favorizuar se kundërshtari. Ne duhet ta japim maksimumin që të dalim me fitore”.