Drita dhe Drenica fillojnë ndeshjen me mesazhe mbështetjeje për ish-krerët e UÇK-së
Ndeshja e Superligës midis Dritës dhe Drenicës u nis me pankarta që mbështesin ish-krerët e UÇK-së të përballur në gjyq në Hagë.
Ndeshja e Superligës së Kosovës midis KF Dritës dhe KF Drenicës ka nisur me një gest solidariteti ndaj ish-krerëve të Ushtrisë Çlirimtare të Kosovës, të cilët po përballen me procesin gjyqësor në Hagë.
Para fillimit të takimit, lojtarët e të dy skuadrave hynë në fushë duke mbajtur pankarta me shkrimin "Lufta për liri ishte e drejtë dhe e pastër" dhe "Kosova ju pret!". Në pankarta ishin të paraqitura edhe fotografitë e Hashim Thaçit, Kadri Veselit, Jakup Krasniqit dhe Rexhep Selimit.
Ky mesazh mbështetjeje u shfaq disa ditë para "Marshit për Liri", të programuar për 12 shtator në Sheshi Skënderbeu në Prishtinë. Ndeshja përfundoi me rezultatin 0-0.