Dokumenti Top Sekret 2 ndez përplasjet fetare
Një material i përfshirë në aktakuzën për spiunazh ndaj Fatmir Shehollit ka nxitur pretendime për bashkëpunim mes komunitetit mysliman dhe BIA-s.
Redaksia ZHURMA · · 1 min lexim
Dokumenti i titulluar "Top sekret 2" është paraqitur si pjesë e provave në aktakuzën ndaj Fatmir Shehollit, i cili akuzohet për spiunazh ndaj serbisë. Ndërsa prokuroria e përdor këtë dokument për të mbështetur akuzat, ai nuk ka të dhëna për autorësinë e tij. Nga rrjetet sociale, përmbajtja e tij është përdorur për të ngritur pretendime lidhje mes institucioneve myslimane dhe Agjencisë së Sigurisë dhe Informacionit të Serbisë (BIA). Bashkësia Islame e Kosovës (BIK) i mohon këto pretendime dhe ka kërkuar sqarime nga institucionet e drejtësisë dhe sigurisë. Sipas përmbajtjes së dokumentit, fonde të mbledhura nga "ambasadat islamike" në Beograd do të investoheshin në ndërtimin e xhamive në Kosovë, duke synuar përçarjen e shqiptarëve dhe ndryshimin e perceptimit të Perëndimit për Kosovën.
Radio Evropa e Lirë e ka kontaktuar Prokurorinë Speciale dhe BIA-n në lidhje me autorësinë e dokumentit, por deri më tash nuk ka marrë përgjigje.
