Doganierët grekë grevojnë të hënën — bllokohet kalimi i kamionëve
Kalimi i automjeteve të mallrave do të ndërpritet plotësisht në Evzoni, Dojrani dhe Niki mes orës 05:00 dhe 09:00.
SHKUP — Ministria e Punëve të Brendshme i njofton qytetarët se të hënën në mëngjes do të ketë grevë e punonjësve të doganave në tri pika kufitare greke: Evzoni (Bogorodicë), Dojrani (Dojran) dhe Niki (Mexhitli). Greva do të zgjasë nga ora 05:00 deri në 09:00 sipas kohës së Maqedonisë.
Gjatë grevës, automjetet e udhëtarëve do të lejohen të kalojnë çdo 10 minuta, ndërsa qarkullimi i automjeteve të transportit të mallrave do të jetë plotësisht i ndërprerë — si për hyrje ashtu edhe për dalje nga Greqia.
Ministria e Punëve të Brendshme thotë se do të ndërmarrë të gjitha masat e nevojshme për menaxhimin e situatës dhe do të angazhojë të gjitha kapacitetet njerëzore dhe teknike gjatë periudhës së grevës.
Burim: Tetova Sot
— Redaksia ZHURMA.