Dogana parandalon kontrabandën e 150 fishekëve në Merdare
Autoritetet kufitare zbuluan municion të fshehur në valixhen e një shoferi pasi udhëtarët mohuan se kishin mallra për të deklaruar.
Redaksia ZHURMA · · 1 min lexim
Dogana e Kosovës ka parandaluar një tentim për kontrabandë municioni në pikën kufitare në Merdare, ku janë zbuluar 150 fishekë për gjueti të padeklaruar. Gjatë procedurave të rregullta, drejtuesi i automjetit dhe pasagjerët ishin pyetur nëse kishin mallra për të deklaruar, mirëpo ishin përgjigjur negativisht.
Pas përgjigjes negative, autoritetet ndërmorën një kontroll të detajuar në bashkëpunim mes zyrtarëve doganorë, Njësisë së Antikontrabandës, Njësisë së Skanerit dhe Policisë së Kosovës. Municioni ishte fshehur dhe kamufluar në pjesën e poshtme të valixhes së shoferit, ku u gjetën pesë pako me nga dhjetë fishekë dhe dy pako me nga pesëdhjetë fishekë.
Lidhur me këtë rast janë ndërmarrë veprimet e duhura ligjore, ndërsa çështja i ka kaluar Policisë së Kosovës për procedim dhe trajtim të mëtejmë hetimor.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar