Dogana kap kanabis në cigare e ëmbëlsira brenda një pakete postare

Gjatë kontrolleve doganore në një dërgesë postare, Dogana e Kosovës ka zbuluar substanca të dyshuara si narkotike, pasi pajisjet e skanimit dhe dyshimet e zyrtarëve shtynë drejt një kontrolli të detajuar fizik. Pas hapjes së pakos, autoritetet gjetën dhjetë cigare të mbushura me substancë të dyshuar si kanabis, si dhe dy copë torte me përmbajtje të dyshuar të së njëjtës lëndë.

Lidhur me këtë rast, Dogana ka njoftuar Njësinë përkatëse të Antidrogës të Policisë së Kosovës për të ndërmarrë veprimet e mëtejshme ligjore, ndërsa dërgesa dhe përmbajtja e saj janë ndaluar për procedim të mëtutjeshëm institucional.