Sa para të padeklaruara kapën doganierët në Jarinje?

PRISHTINË — Dogana e Kosovës ka evidentuar një rast të mosdeklarimit të mjeteve monetare në Pikën Kufitare Jarinje. Gjatë kontrollit të një automjeti në hyrje të Republikës së Kosovës, udhëtari i pyetur nga zyrtarët doganorë mohoi se posedonte mallra apo mjete monetare për deklarim.

Pas ekzaminimit të detajuar, u gjetën 10.173,60 euro dhe dinarë serbë të shpërndara në pjesë të ndryshme të automjetit dhe tek personi. Dogana njoftoi se rasti është proceduar tek njësitë kompetente, me gjobë administrative të shqiptuar. Hetuesia e doganës dhe Prokurori i Shtetit janë njoftuar; një pjesë e mjeteve mbetet e ndaluar deri në përfundim të hetimeve.

Dogana rikujton se deklarimi i mjeteve monetare gjatë hyrjes ose daljes nga Kosova është obligim ligjor, dhe mosrespektimi sjell pasoja administrative e ligjore.

Burim: RTV21
— Redaksia ZHURMA