Sport
SHQ
Dinamo City mposht Aluminijin 3:0 dhe kalon në raundin e tretë evropian
Vila, Qefalija dhe Perndreca shënuan në Elbasan për ekipin e Ilir Dajës, që më parë kishte eliminuar kazakët e Astanës.
Redaksia ZHURMA
23:49
1 min lexim
ELBASAN — Dinamo City fitoi 3:0 ndaj skuadrës sllovene Aluminij të enjten në Elbasan dhe kaloi në raundin e tretë kualifikues të Ligës së Konferencës, pas barazimit 1-1 në ndeshjen e parë.
Golat për skuadrën e trajnerit Ilir Daja i shënuan Lorenco Vila, Klevi Qefalija dhe Fabjan Perndreca. Tiranasit dominuan ndeshjen e kthimit dhe siguruan kualifikimin pa probleme përballë kundërshtarit slloven.
Dinamo kishte nisur rrugëtimin evropian duke eliminuar në raundin e parë kualifikues skuadrën e njohur kazake, Astana. Tani do të presë kundërshtarin e radhës në raundin e tretë kualifikues.
Burim: Koha.net
— Redaksia ZHURMA