Diatta barazon nga pika e bardhë për Prishtinën kundër Malishevës
Prishtina ka barazuar rezultatin ndaj Malishevës në ndeshjen e xhiros së nëntë të Superligës.
Redaksia ZHURMA · · 1 min lexim
MALISHEVË — Assane Diatta ka shënuar nga pika e bardhë në minutën e 76-të për të barazuar rezultatin në ndeshjen kundër Malishevës, pasi vendasit kishin kaluar në epërsi nga Xhemail Ibishi në minutën e 29-të. Takimi përmbyllës i xhiros së nëntë të Albi Mall Superligës, i zhvilluar në stadiumin “Liman Gegaj”, u mbyll pa fitues me rezultatin 1:1, duke lënë Malishevën në krye të tabelës me 20 pikë, ndërsa Prishtina renditet me pikë të barabarta, duke pasur edhe një ndeshje më pak të zhvilluar kundër kampiones në fuqi, Dritës.
