Diabeti shënon rritje, mjekët bëjnë thirrje për kontrolle dhe terapi

Numri i rasteve të reja me diabet shënon shifrën prej rreth gjashtë mijë e gjashtëqind qytetarë në vit, ndërkohë që shqetësim kryesor mbetet numri i personave që nuk janë të diagnostikuar. Sipas të dhënave nga Instituti i Shëndetit, mbi njëqind e dyzet mijë qytetarë vuajnë nga kjo sëmundje, ndërsa rreth dyzet e shtatë mijë prej tyre mbeten të padiagnostikuar ose nuk pranojnë të marrin terapinë e nevojshme mjekësore.

Drejtori i Klinikës së Endokrinologjisë, Irfan Ahmeti, thotë se trajtimi cilësor i pacientëve mund të bëhet në të gjitha nivelet e kujdesit shëndetësor. «Mjeku amë e bënë diagnostikimi, duhet të inicoj trajtimin dhe të edukoj pacientin në edukim të mirëfilltë sepse qendra për diabet nuk e ka kapacitetin të mirët me fluks aq të madh pacientësh por gjithsesi klinika jonë i pranon të gjithë pacientët e tipit 1 që janë me insulinë dhe tipit 2 me ko-morbiditete të shumta», deklaroi Irfan Ahmeti, drejtor i Klinikës së Endokrinologjisë.

Mjekët kërkojnë shtimin e ndërgjegjësimit duke theksuar se sot ekzistojnë metoda dhe terapi të ndryshme për trajtimin e këtij shqetësimi shëndetësor. «Aksione të tilla janë kruciale për shkak se njerëzit akoma kanë një lloj stigme të ballafaqohen me aspektet shëndetësore që mund ti kenë, stigma ekziston ndoshta prej shoqërisë. Mirëpo tendenca e pacientëve zakonisht është që të fillojnë është që të fillojnë me terapi tabletare pastaj të kalojnë me insulinë», thotë Bekim Fera, endokrinolog. Gjatë muajit të ndërgjegjësimit për diabetin synohet informimi më i gjerë i qytetarëve.