Pse duhet të themi 'po' dhurimit të organeve?
Ministri dhe mjekët e Maqedonisë apelojnë për mbështetjen e dhurimit si vendim human i nevojshëm për transplantimin.
SHKUP — Ministria e Shëndetësisë e Maqedonisë e Veriut vazhdon fushatën "Dhurimi i organeve i jep kuptim më të lartë humanizmit!" me qëllim rritjen e ndërgjegjësimit publik mbi dhurimin e organeve dhe transplantimin.
Infermierja Stefani Stolevska, pjesë e ekipit për transplantimin në Klinikën e Anestezisë, Reanimacionit dhe Mjekimit Intensiv (KARIL) të Tetovës, bëri thirrje për mbështetjen e këtij vendimi. "Të gjithë jemi pacientë të mundshëm dhe donatorë të mundshëm, kurrë nuk e dimë se çfarë mund të sjellë e ardhmja," thekson ajo, duke shprehur mirënjohje për familjet e pacientëve që marrin vendimin për dhurimin në momentet më të vështira.
Ministri i Shëndetësisë Azir Aliu rikujtoi se transplantimet e fundit të zemrës dhe veshkës tregojnë se "pas çdo jete të shpëtuar nuk qëndron vetëm ekspertiza mjekësore, por edhe një vendim thellësisht human". Ai theksoi se mjekët, të cilët çdo ditë shohin dhimbjen e familjeve dhe shpresën e pacientëve, janë mbajtësit më të fuqishëm të këtij mesazhi.
Fushata synon forcimin e besimit publik dhe gatishmërisë për të biseduar mbi dhurimin e organeve. Çdo familje që vendos të dhuroj organe kontribuon për shpëtimin dhe vazhdimin e jetës të dikujt tjetër, mesazh që përforcohet përmes zërit të mjekëve.
Burim: Tetova Sot
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.