Detaje nga operacioni në Fushë-Kosovë: Arrestohen dy persona
Policia e Kosovës ka dhënë detaje pas aksionit në Fushë-Kosovë ku u arrestuan dy persona, përfshirë një të dyshuar serb që kërcënoi një qytetar dhe një tjetër që i pengoi zyrtarët.
Redaksia ZHURMA · · 1 min lexim
Pas aksionit policor në Fushë-Kosovë, Policia e Kosovës ka konfirmuar se janë arrestuar dy persona. Operacioni përfshiu njësitë speciale, reagimin e shpejtë, patrullat, rendin publik dhe njësinë K9, të cilët ndërhynë pasi një person i dyshuar mashkull kosovar i nacionalitetit serb, nën posedimin e armës, kërcënoi një qytetar.
Sipas njoftimit zyrtar, i dyshuari nuk u bind urdhrave për ndalim dhe dorëzim, duke u mbyllur brenda shtëpisë apo banesës së tij. Policia siguroi zonën me perimetër sigurie dhe negocioi për dorëzimin e tij, ndërsa më pas njësitë hynë me forcë pasi ai rezistoi. Në kuadër të aksionit u arrestua edhe një person tjetër që pengoi policinë gjatë kryerjes së detyrës. Aksioni u zhvillua në afërsi të Qendrës Kryesore Familjare, ku fillimisht u raportua për dyshime rreth një mjeti shpërthyes, ndërsa autoritetet publikuan edhe pamjet nga momenti i arrestimit.
