Dështon kalimi i Fisnik Asllanit te Leipzig për arsye shëndetësore
Leipzigu shprehu shqetësime për gjendjen shëndetësore të 23-vjeçarit kosovar, i cili do t'i bashkohet stërvitjeve të Hoffenheimit javën e ardhshme.
LEIPZIG — Transferimi i sulmuesit kosovar Fisnik Asllani nga Hoffenheimi te skuadra e RB Leipzigut ka dështuar përfundimisht për shkak të shqetësimeve rreth gjendjes shëndetësore të lojtarit. Dy klubet gjermane kishin arritur një marrëveshje për 23-vjeçarin, por në fund ky kalim nuk u realizua dot.
Drejtori sportiv i Hoffenheimit, Andreas Schicker, theksoi se mosrealizimi i këtij transferimi nuk përbën lajm të keq për klubin e tij nga ana sportive. Ai shtoi se janë plotësisht të bindur se Asllani është në gjendje të performojë në nivelin më të lartë.
Sulmuesi kosovar ka dhënë një kontribut të madh në suksesin e Hoffenheimit sezonin e kaluar dhe ka kryer rregullisht përgatitjet parasezonale. Lojtari do t'i bashkohet stërvitjeve të rregullta me pjesën tjetër të skuadrës nga java e ardhshme.
Burim: Koha.net
— Redaksia ZHURMA