Anëtarët e KGJK-së braktisin sallën, mbledhja mbetet pa kuorum
Pika për kërkesën e gjyqtarëve serbë të dorëhequr mbeti pa u shqyrtuar; Hyseni e quajti vonesën "të pakonceptueshme" pas katër vjetësh.
PRISHTINË — Mbledhja e 371-të e Këshillit Gjyqësor të Kosovës (KGJK) dështoi për mungesën e kuorumit. Disa anëtarë të KGJK-së u larguan nga salla, duke ndërprerë plotësisht punimin. Në rendin e ditës ishte shqyrtimi i kërkesave të ardhura nga gjyqtarët e komunitetit serb për tërheqjen e dorëheqjeve.
Bashkim Hyseni, anëtar i KGJK-së, kërkoi që kjo çështje të shqyrtohet e para, duke e cilësuar si "totalisht të pakonceptueshme" që tema të diskutohej katër vjet pas dorëheqjeve. Kryesuesi i KGJK-së, Rrustem Thaqi, u përgjigj se për vonesën nuk mund të japë llogari përbërja aktuale e Këshillit.
Ushtruesja e detyrës së Presidentes, Albulena Haxhiu, i ishte drejtuar më parë KGJK-së t'i ndjekë praktikën e Këshillit Prokurorial të Kosovës (KPK), i cili pati refuzuar kërkesa të ngjashme nga prokurorët e komunitetit serb për rikthimin e tyre në sistemin e drejtësisë.
Burim: Gazeta Dukagjini
— Redaksia ZHURMA