Dervishi: Policia ndryshoi taktikën në protestën e 7 nëntorit në Tiranë

Më 7 nëntor 2026, Policia e Shtetit shmangu përdorimin e dhunës ndaj protestuesve përpara godinës së Kryeministrisë në Tiranë, duke u mjaftuar vetëm me përdorimin e ujit me presion pa kimikate deri në shpërndarjen e tyre rreth orës 22:00. Pjesëmarrësit në tubim hodhën gurë, fishekzjarrë dhe ndonjë bombë Molotov, por efektivët u tërhoqën në disa raste përballë rezistencës paqësore. Zhvillimi pasoi mbërritjen e dy mjeteve të blinduara ujëhedhëse nga Turqia dhe pesë fluturimeve ushtarake me mjete logjistike nga Emiratet e Bashkuara Arabe.

Kjo situatë vijoi pas protestave të zhvilluara midis 15 dhe 18 tetorit 2026, gjatë të cilave reagimi i autoriteteve ishte i shoqëruar me tensione të larta. Më 19 tetor 2026, Kryeministri Edi Rama u shfaq para drejtuesve të Policisë së Shtetit, ku u njoftua miratimi i një shpërblimi prej 2500 eurosh për punonjësit e policisë të angazhuar në vijën e parë të përballjes me protestuesit. Po atë ditë nisi edhe plotësimi i bazës logjistike të forcave të rendit.

Sipas të dhënave të monitorimit ndërkombëtar të trafikut ajror, më 19 tetor 2026 një avion transporti ushtarak i Forcave Ajrore Turke u ul në Aeroportin e Rinasit duke shkarkuar dy automjete të blinduara ujëhedhëse. Me mbërritjen e këtyre mjeteve, flota e mjeteve ujëhedhëse kundër protestave e Policisë së Shtetit u rrit në 7 të tilla. Po atë natë nisi lëvizja e mjeteve ajrore ushtarake nga Emiratet e Bashkuara Arabe, me avionin e parë të tipit Boeing C-17A Globemaster III.

Monitorimi ndërkombëtar regjistroi gjithsej pesë fluturime ushtarake nga Emiratet e Bashkuara Arabe që u ulen në Rinas deri më 6 nëntor 2026. Tre fluturimet e para, të realizuara më 19, 20 dhe 22 tetor, transportuan materiale logjistike dhe mbështetëse. Avioni i katërt u ul në fund të tetorit si një fluturim taktik i mbyllur pa ekspozim në radarët civilë. Avioni i fundit, i cili mbërriti më 6 nëntor, operoi me transponder civil të fikur. Pjesa më e madhe e këtyre mjetve ajrore fikën radarët civilë sapo hynë në hapësirën ajrore të Ballkanit. Materialet dhe një grup personash u larguan nga aeroporti i Rinasit drejt Tiranës pa iu nënshtruar procedurave standarde ligjore dhe pa kryer procedurën e kontrollit në dalje.

Në një shkrim opinioni mbi zhvillimet, gazetari Ferdinand Dervishi deklaroi se ndryshimi i sjelljes së policisë lidhet me përgatitjet logjistike të marra nga kryeministri. Dervishi thotë se «tërheqja e policisë nga dhunimi masakrues i protestuesve ka lidhje me sigurinë që Kryeministri Rama ka krijuar». Ai shton se forcat e rendit zbatuan ligjin gjatë protestës pasi «tashmë ai është bindur se i ka të gjitha mundësitë të bëjë zap protestën, i ka edhe njerëzit, edhe instruktimin e duhur». Analisti thekson se policia ia doli mbanë «duke zbatuar proporcionalitetin, pra duke i zbatuar ligjet».