Dennis Buzukja bën shqiponjën dykrenare në Beograd
Luftëtari shqiptar u fishkëllye në matjet zyrtare për ndeshjen e tij të radhës ndaj Bogdan Grad në kuadër të UFC-së.
BEOGRAD — Luftëtari shqiptar i MMA-së, Dennis Buzukja, ka formuar me dy duar figurën e shqiponjës dykrenare gjatë ceremonisë së matjeve zyrtare të premten në Beograd. Ai do të përballet me Bogdan Grad të shtunën mbrëma në serinë UFC.
Veprimi i Buzukjës, i cili jeton në SHBA, u cilësua si provokim nga mediat në Serbi. Ai tregoi se u prit me fishkëllima, por u zotua se do të japë gjithçka për fitore, duke shtuar se është koha për sport dhe bashkim.
Buzukja ka 12 fitore e gjashtë humbje në MMA. Ndërkohë në UFC, që është seria kryesore e Arteve Marciale të Përziera, ai ka regjistruar një fitore nga pesë duele.
Burim: Koha.net
— Redaksia ZHURMA