Pse deklaroi ministri serbe Paunoviq për 'spastrim etnik' në Kosovë?
Përparim Rama: kjo është fyerje ndaj qytetarëve të Kosovës dhe relativizim i krimeve
Rama për deklaratën e ministres serbe: Artikulim i një ideologjie që nxit dhe mbështet luftëra e gjenocid. Deklarata e ministres së qeverisë së Serbisë se, po të ishte në vendin e Sllobodan Millosheviqit, do ta kishte “spastruar etnikisht Kosovën”. Kështu është shprehur Përparim Rama, kryetari i Kryeqytetit. Ai thotë se kjo është fyerje ndaj qytetarëve të Kosovës dhe është relativizim dhe legjitimim i një prej krimeve më të rënda që njeh e drejta ndërkombëtare.
“Është alarmuese që, më shumë se dy dekada pas luftës, një anëtare e kabinetit qeveritar të Serbisë flet me këtë gjuhë, për një nga aktet më makabre e kriminale të shekullit të kaluar. Evropa është ndërtuar mbi refuzimin e ideologjive të spastrimit etnik. Prandaj, çdo heshtje përballë një deklarate të tillë është një precedent i rrezikshëm. Bashkimi Evropian dhe e gjithë bota demokratike duhet ta dënojnë pa ekuivok këtë retorikë”, ka shkruar Rama në Facebook.
Kryetari i Prishtinës kërkon nga institucionet e Republikës së Kosovës “të reagojnë me qartësi, dinjitet dhe vendosmëri”.
Burim: Klan Kosova, https://klankosova.tv/rama-per-deklaraten-e-ministres-serbe-artikulim-i-nje-ideologjie-qe-nxit-dhe-mbeshtet-luftera-e-gjenocid/
— Redaksia ZHURMA