De Maegd: Gafa në Forumin e BE-së i rihapi plagët e Kosovës
Deputeti belg Michel De Maegd kërkon llogari nga komisionerja Marta Kos për këngën nacionaliste serbe në Bruksel.
Redaksia ZHURMA · · 1 min lexim
Deputeti belg Michel De Maegd i ka kërkuar llogari komisioneres për Zgjerim të Bashkimit Europian, Marta Kos, lidhur me skandalin ku tingujt e një kënge nacionaliste serbe për Kosovën u luajtën në koncertin zyrtar të hapjes së Forumit për Zgjerim në Bruksel. De Maegd e cilësoi ngjarjen si një gafë thellësisht të keqardhshme që ka rihapur plagët e një populli.
Duke kujtuar kohën kur shërbeu si reporter lufte në Kosovë gjatë vitit 1999, deputeti belg u shpreh se ka përjetuar nga afër represionin, bombardimet dhe vuajtjet e popullsisë. Ai e pyeti zyrtaren e lartë europiane se si ka mundur që një përzgjedhje e tillë muzikore t'i shpëtojë vëmendjes së organizatorëve dhe shtoi se do të ishte e drejtë t'i kërkohej falje zyrtare popullit kosovar.
Sipas deputetit belg, komisarja Kos shprehu keqardhjen e saj të thellë dhe sqaroi se ia kishte përcjellë personalisht ngjarjen kryeministrit të Kosovës, Albin Kurti. Gjatë kësaj bisede, ajo rikonfirmoi mbështetjen politike dhe financiare të Bashkimit Europian, duke theksuar se integrimi i Ballkanit Perëndimor përfshin patjetër edhe Kosovën.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar