Dashmir Ristemi kryeson filmin e ri zviceran 'Von dem, was bleibt'
Si e sjell një aktor me origjinë shqiptare identitetin në kinematografinë zvicerane?
CYRIH — Më 18 qershor nis shfaqja në kinematë e Zvicrës gjermanishtfolëse e filmit të ri zviceran “Von dem, was bleibt” (“Nga ajo që mbetet”), me regji të Lisa Blatter nga Cyrihu. Filmi është prezantuar më parë në festivale ndërkombëtare dhe tani vjen për publikun e gjerë.
Në qendër të historisë janë Selma (Carla Juri) dhe Nori (Dashmir Ristemi), një çift që pret fëmijën e tyre të parë. Pas një nate misterioze, Nori zgjohet i lënduar dhe pa kujtim për orët e fundit. Amnezia e pashpjegueshme dhe një humbje e rëndë vënë në provë marrëdhënien e tyre.
Rolin kryesor mashkullor e interpreton aktori Dashmir Ristemi, i cili ka prejardhje shqiptare. Edhe familja e personazhit që ai luan në film është shqiptare, duke sjellë në ekran elemente të identitetit dhe kulturës shqiptare në kuadër të një produksioni zviceran.
Premieratat do të zhvillohen më 16 qershor në kinemanë FFA në Aarau, më 17 qershor në kinemanë Riffraff në Cyrih dhe më 18 qershor në kinemanë Rex në Bernë. Prodhuesit kanë bërë të ditur se janë të mundshme intervista me Ristemin dhe Blatter.
Filmi pritet të tërheqë vëmendjen jo vetëm për temën dramatike, por edhe për përfshirjen e komunitetit shqiptar në një prodhim të rëndësishëm të kinematografisë zvicerane.
Burim: Albinfo.ch
— Redaksia ZHURMA
