Dasa: Kosova është ekip i shkëlqyer, na pret një pengesë e vështirë

Kapiteni i Izraelit, Eliezer “Eli” Dasa, ka vlerësuar lart forcën e përfaqësueses së Kosovës dhe atmosferën që e pret skuadrën e tij, duke e cilësuar përballjen në stadiumin “Fadil Vokrri” si një nga sfidat më të vështira në udhëtim për ekipin e tij.

Në konferencën për shtyp para ndeshjes së Ligës së Kombeve që zhvillohet të shtunën nga ora 15:00, mbrojtësi izraelit foli për pritshmëritë e larta në vendin e tij për arritjen e një turneu të madh, duke shtuar se beson te potenciali i lojtarëve dhe i stafit profesional.

«Çdo fushatë që filluam, ata thanë se ky është brezi. Vendi është i uritur dhe i etur për të arritur një turne të madh, dhe zhvillohet nga e para çdo herë», u shpreh ndër të tjera Dasa, duke shtuar se Kosova jashtë fushe përbën një pengesë të vështirë me fushë të fortë dhe tifozëri të mirë.