Çollaku: Rama e pranon vetë se orienton SPAK-un

I ftuar në emisionin «TaskForce» me Sonila Meçon, gazetari Basir Çollaku ka komentuar letrën e publikuar nga Erion Veliaj lidhur me përplasjen mes tij dhe kryeministrit. Sipas Çollakut, pranimi publik se Toni Gogu kishte shkuar për ta kërcënuar në emër të kryeministrit tregon se ministri i Drejtësisë ka vepruar si mafioz dhe jo si përfaqësues i institucionit që drejton, duke shtuar se atij i është dukur vetja si Toni Montana.

Çollaku u ndal te fjalia e Edi Ramës «Unë do të orientoj SPAK-un», të cilën e cilësoi si thelbin e dëshmisë mbi kontrollin e këtij institucioni, duke përmendur gjithashtu se deklarimet publike për arrestime kanë qenë porosi publike të dërguara nga kreu i qeverisë.