Çmimet e benzinave dhe naftës shtrenjtohen në Maqedoni
Benzina BS-95 do të shitet për 93 denarë për litër, ndërsa nafta për 98,5 denarë për litër
SHKUP — Çmimi i benzinave në Maqedoninë e Veriut pas mesnate do të shtrenjtohet për 3 denarë për litër, përcjell TV21. Sipas vendimit të fundit të Komisionit Rregullator për Energjetikë, edhe çmimi i naftës do të shtrenjtohet për 4,5 denarë, ndërsa i vajit ekstra të lehtë për 5 denarë për litër.
Sipas burimit, benzina BS-95 do të shitet për 93 denarë për litër, BS-98 për 95 denarë për litër. Nafta për 98,5 denarë për litër, ndërsa vaji ekstra i lehtë për 98 denarë për litër. Burim: TV21, https://tv21.tv/karburantet-shtrenjtohen-dukshem-nga-mesnata-rriten-cmimet-e-benzines-dhe-naftes-ne-maqedoni/
— Redaksia ZHURMA