Çitaku: Ligji i ri për Specialen vjen javën e ardhshme në Kuvend
Ushtruesja e detyrës së kryetares së PDK-së bëri të ditur se nisma për Ligjin e ri për Specialen tashmë është shndërruar në një çështje shtetërore.
Redaksia ZHURMA · · 1 min lexim
Ushtruesja e detyrës së kryetares së Partisë Demokratike të Kosovës, Vlora Çitaku, ka bërë të ditur se nisma për ndryshimet e Ligjit për Specialen pritet të dërgohet në Kuvend gjatë javës së ardhshme. Gjatë një konference për media, ajo theksoi se projekti i nisur dikur nga partia e saj tanimë ka marrë përmasa të një nisme shtetërore.
Çitaku u shpreh se në fazën e fundit janë pranuar sugjerime konkrete nga ekspertë vendorë dhe ndërkombëtarë për ta bërë projektin më të qëndrueshëm juridikisht. Sipas saj, përveç vetë ligjit, është arritur dakordësi me kryeministrin Albin Kurti për një sërë hapash shtesë institucionalë, ndërsa u rezervua të flasë për detajet dhe specifikat e përmbajtjes.