Shi e bubullima deri të premten: çfarë sjell cikloni nga Turqia?
Si do të ndryshojë moti në Maqedoninë e Veriut gjatë javës?
SHKUP — Nën ndikimin e aktivitetit ciklonik nga Turqia, sot paralajmërohet mot i paqëndrueshëm me shi, bubullima dhe erë të fuqishme në Maqedoninë e Veriut. Lokalisht proceset do të jenë më intensive, me shi më të rrëmbyeshëm, erë të fuqishme dhe paraqitje të breshrit.
Temperatura minimale do të lëvizë në interval prej 11 deri 19 gradë, ndërsa ajo maksimale prej 28 deri 36 gradë. Në Shkup, paradite do të ketë mot me diell me vranësira të vogla deri mesatare, por në orët e pasdites pritet paqëndrueshmëri me shi, bubullima dhe erë të fuqishme veriore. Temperatura minimale do të bie deri në 17, ndërsa ajo maksimale do të arrijë deri në 33 gradë.
Moti i paqëndrueshëm do të vazhdojë deri të premten, kur fillon periudhë më e nxehtë dhe me diell, me temperatura ditore që do tejkalojnë 30 gradë. Të enjten pritet akoma dukuri e izoluar e paqëndrueshmërisë me shi të rrëmbyeshëm dhe bubullima.
Burim: Almakos
— Redaksia ZHURMA
