Federata Angleze gjobit Chelsean me 10 milionë funte
Sanksioni është pezulluar deri në qershor të vitit 2027, me kusht që klubi të mos kryejë shkelje të tjera
LONDRA — Chelsea është gjobitur me 10 milionë funte nga Federata Angleze e Futbollit (FA) për shkelje të rregullave që lidhen me agjentët gjatë periudhës 2009-2022. FA ngriti 74 akuza ndaj klubit pas vetëraportimit të bërë nga pronarët aktualë, BlueCo, të cilët morën drejtimin e Chelseat pas largimit të Roman Abramovich.
Fillimisht, FA kishte vendosur edhe një zbritje prej gjashtë pikësh, por ky vendim u ndryshua pas ankesës së klubit. Federata bëri të ditur se gjoba prej 10 milionë funtesh mbetet në fuqi dhe do të investohet në futbollin bazë.
Chelsea është përballur edhe më parë me sanksione, në vitin 2023 u gjobit nga UEFA për shkelje të rregullave financiare, ndërsa në vitin 2019 u ndalua të regjistronte lojtarë për dy afate kalimtare për shkelje të rregullave që lidhen me transferimin e futbollistëve nën moshën 18-vjeçare. Burim: Klan Kosova, — Redaksia ZHURMA