Cardi B thotë se ka frikë nga operacioni në gjoks por duhet ta bëjë

Reperja amerikane Cardi B ka deklaruar se dëshiron të rregullojë gjoksin e saj, por ka frikë nga kjo procedurë kirurgjikale. Artistja 34-vjeçare tha se nuk dëshiron të gënjejë dhe do të donte t'i nënshtrohej ndërhyrjes, por heziton t'i futet këtij procesi përsëri.

Më parë, artistja kishte kryer zmadhimin e gjoksit në moshën 18-vjeçare, për të cilin foli publikisht në vitin 2021 gjatë një bisede me Mariah Carey për revistën Interview. Ajo shpjegoi se gjatë rinisë ishte shumë e dobët dhe djemtë në Bronx e ngacmonin për shkak të figurës së saj trupore, gjë që e bënte të ndihej e shëmtuar. Pasi nisi punën si balerinë dhe grumbulloi para të mjaftueshme, ajo realizoi operacionin e parë, i cili i hoqi çdo pasiguri për trupin e saj.

Sa i përket gjendjes aktuale, 34-vjeçarja u shpreh se katër fëmijët e saj i shkatërruan trupin, ndërsa i përshkroi gjinjtë e saj si qese me topa. Ajo shpjegoi se i ka këto gjinj prej rreth 18 vitesh dhe se tani janë shumë të varur. Po ashtu, ajo tregoi se thithkat dhe areolat e saj janë bërë shumë të mëdha, gjë që ia vështirëson shumë veshjen e rrobave të caktuara, edhe pse deklaroi se i do ato dhe i duken seksi. Ajo sqaroi se nuk kërkon të ndryshojë madhësinë e gjinjve, por dëshiron vetëm t'i rifreskojë ato.

Lidhur me vendimin e ardhshëm, artistja pranoi se ende nuk është plotësisht e sigurt nëse do të hyjë realisht në sallën e operacionit. Ajo tregoi se ka kohë që e mendon këtë ndërhyrje, por dilema e saj mbetet për shkak të pasigurisë me procedurën.

Lidhur me këtë situatë, Cardi B deklaroi: «Për ndonjë arsye kam frikë. Kam shumë frikë nga operacioni i gjirit, nuk e di pse. Nuk kam frikë nga asgjë tjetër, vetëm kaq. Nuk është aspak një operacion i këndshëm, por duhet ta bëj». Ajo shto se me gjithë dëshirën e saj, dyshimet vazhdojnë: «E kam thënë për një kohë të gjatë se e dua, por nuk e di nëse do ta bëj operacionin».