Bytyqi i vendos letër Vitisë në Kuvend për mungesën e barnave

Deputetja e Aleancës, Albana Bytyqi, ka kritikuar mungesën e barnave në institucionet publike shëndetësore, duke theksuar se pacientët po detyrohen të marrin para borxh për të siguruar terapinë e nevojshme. Gjatë seancës së Kuvendit, ajo i ka vendosur para ministrit të Shëndetësisë, Arben Vitia, një letër ku shkruhej: «Merr para borxh, dhe blej barna. Arben Vitia jam».

Bytyqi u shpreh se është e papranueshme që qytetarët të hyjnë në borxhe për të blerë barna që shteti ka obligim t'ua sigurojë, duke shtuar se rasti prek drejtpërdrejt jetën e njerëzve dhe nevojën për terapi në kohën e duhur.