Burnley shet sulmuesin kryesor dhe hap rrugën për Armando Brojën
Lëvizjet e fundit në merkato dhe shitja e Flemming te Ipswich konfirmojnë se Armando Broja mbetet te Burnley të paktën deri në janar.
Orët e fundit të merkatos në Angli sollën zhvillime për Armando Brojën. Mos përfshirja e tij në listën e lojtarëve për sfidën kundër Norwich krijoi idenë se ai ishte në shitje, por merkato vërtetoi të kundërtën. Burnley vendosi të mos largojë sulmuesin kuqezi, ndërsa shiti sulmuesin kryesor dhe rivalin e Brojës, Flemming, i cili u transferua te Ipswich.
Pas këtyre lëvizjeve, Burnley ka në dispozicion vetëm dy qendërsulmues, Brojën dhe Amdouni. Deri në muajin janar, Broja nuk do të lëvizë nga klubi dhe për të parashikohen më shumë minuta në dispozicion, duke krijuar një situatë pozitive si për lojtarin ashtu edhe për kombëtaren.