Çfarë kërkon Bulai nga të zgjedhurit e Kosovës për dialogun me Serbinë?
Kryesuesi i delegacionit të APKE-së kërkon kompromis për presidentin dhe fund të "lojërave cinike politike".
PRISHTINË — Kryesuesi i delegacionit të Asamblesë Parlamentare të Këshillit të Evropës, Julian Bulai, u bëri thirrje përfaqësuesve të zgjedhur nga zgjedhjet e 7 qershorit që të angazhohen në dialog konstruktiv për funksionalizimin e institucioneve.
"Delegacioni u bën thirrje tani të gjithë përfaqësuesve të zgjedhur që të angazhohen në dialog vërtet konstruktiv, të arrijnë kompromiset e nevojshme për të zgjedhur me shpejtësi presidentin dhe për të avancuar proceset demokratike të vendit", deklaroi Bulai në konferencën për media.
Ai tha se votuesit "kanë folur qartë" dhe presin "udhëheqje vendimtare" e "kompromis konstruktiv", duke i dhënë fund "lojërave cinike politike". "Demokracia kërkon kompromis dhe ndërtim koalicionesh, jo fitore me logjikën 'fituesi merr gjithçka'", u shpreh ai.
Bulai theksoi se gjetjet janë paraprake; misioni do të ndjekë numërimin e votave preferenciale dhe me kusht, certifikimin e rezultateve dhe zhvillimet paszgjedhore. Asambleja Parlamentare e Këshillit të Evropës, përmes zyrës në Prishtinë, mbetet e gatshme të ndihmojë Kosovën në përmirësimin e kornizës zgjedhore, tha ai.
Burim: Zëri
— Redaksia ZHURMA