Blero njofton humbjen e mikut të tij të ngushtë, Argjir Rexha
Këngëtari i njohur ka ndarë një mesazh prekës në rrjetin social Instagram, duke shprehur dhimbjen e thellë për ndarjen nga jeta të Argjir Rexhës.
Redaksia ZHURMA · · 1 min lexim
Përmes një postimi në rrjetin social Instagram, këngëtari i njohur Blero ka njoftuar ndjekësit e tij për një ngjarje të rëndë dhe trishtuese në jetën e tij. Ai ka bërë të ditur se ka humbur një njeri shumë të dashur, mikun e tij të ngushtë, Argjir Rexha, duke shprehur dhimbjen përmes fjalëve lamtumirëse për të.
Në mesazhin e tij prekës, artisti ka shkruar: «Lamtumirë, vëlla i zemrës, Argjir Rexha! Nuk po mundem ta besoj që sot duhet të flas për ty në kohën e shkuar. Do të më mungosh gjithmonë, shoku im i ngushtë». Po ashtu, ai ka përcjellë ngushëllimet më të sinqerta për familjen dhe shoqërinë, duke kërkuar forcë nga Zoti për përballimin e kësaj humbjeje, ndërsa mesazhin e ka mbyllur me fjalët «U prefsh në paqe, vëlla, nuk do të të harroj kurrë».
