Berisha: Spiropali nuk pati guximin e deputetes Koçeku
Kreu i opozitës ka komentuar zhvillimet e fundit dhe raportimet për kërkesën e kryeministrit për largimin e ish-ministres nga partia.
Redaksia ZHURMA · · Përditësuar · 1 min lexim
Kryetari i Partisë Demokratike, Sali Berisha, ka folur lidhur me informacionet se kryeministri Edi Rama ka kërkuar që largimi i Elisa Spiropalit nga Partia Socialiste t'i kalojë për votim Asamblesë Kombëtare, duke u përgjigjur pyetjeve të qytetarëve në rrjetet sociale. Gjatë reagimit të tij, kreu demokrat e ka vënë theksin te krahasimi i qëndrimeve, ndërsa ka përmendur se ish-ministrja e Jashtme nuk ka vepruar njësoj si deputetja e pavarur Marjana Koçeku përballë kreut të qeverisë.
Duke e quajtur një zhvillim pozitiv edhe pse të vonuar, Berisha ka deklaruar: «Elisa Spiropali nuk pati kurajën, duhet ta them, nuk pati kurajën e deputetes Koçeku, por i dha votën Edi Ramës edhe atëherë kur nuk duhej ta votonte kurrë. Natyrisht më mirë vonë se kurrë edhe ajo, dhe shpresoj që të ketë edhe deputetë të tjerë që në këto çaste kritike për vendin të rreshtohen në anën e qytetarëve».
