Çfarë kapaciteti i mungon BE-së për të kryer detyrat e shtëpisë së Kosovës?

— Presidenti i Këshillit Evropian, Antonio Costa, ka përsëritur në Prishtinë mbështetjen e Bashkimit Evropian për Kosovën, por ka kërkuar përgjegjësi më të madhe nga liderët politikë. Në një konferencë për media, Costa tha se BE-ja mbetet partneri më i madh dhe më i besueshëm i Kosovës që nga viti 1999.

Costa theksoi se Brukseli beson se e ardhmja e Kosovës është në Bashkimin Evropian. Megjithatë, ai u dërgoi një mesazh liderëve politikë para zgjedhjeve. “Bashkimi Evropian mund ta mbështesë Kosovën, por nuk mund ta bëjë detyrën e shtëpisë së Kosovës”, deklaroi Costa.

Costa tha se u ka bërë thirrje aktorëve politikë që integrimin evropian ta vendosin mbi ndasitë partiake dhe të bashkëpunojnë për këtë qëllim. Ai nënvizoi gjithashtu rëndësinë e dialogut ndërpartiak, respektimit të komuniteteve dhe normalizimit të marrëdhënieve me Serbinë.

Burim: Nacionale, https://nacionale.com/politike/presidenti-i-keshillit-evropian-be-ja-smund-tia-kryeje-detyrat-e-shtepise-kosoves
— Redaksia ZHURMA