Bashkimi thellon krizën, mundet edhe nga Bregallnica

Bashkimi i Kumanovës ka thelluar edhe më tepër krizën, pasi ka pësuar humbjen e katërt radhazi në kampionat. Skuadra kumanovare u mposht në transfertë nga Bregallnica me rezultatin bindës 3:0.

Dy golat e Gligorovit dhe finalizimi i Kalpaçkit i siguruan tri pikët skuadrës vendase, ndërsa Bashkimi vazhdon të mbetet pa pikë pas katër xhirove të para të kampionatit.

Në ndeshjen tjetër të ditës, Skopje dhe Tikveshi ndanë pikët, duke barazuar 1:1.