Bashkimi ruan kreun e Superligës në basketboll pas javës së pestë

Skuadra e Bashkimit ka ruajtur udhëheqjen në Superligën e Kosovës në basketboll kur ka përfunduar xhiroja e pestë e garave. Ekipi nga Prizreni mban pozitën e parë pas katër fitoreve dhe një humbjeje, duke arritur në kuotën e nëntë pikëve të grumbulluara nga pesë ndeshje të zhvilluara.

Në pozitat e tjera të renditjes, kampioni në fuqi Trepça është ngjitur në vendin e dytë me tetë pikë, duke regjistruar tri fitore e dy humbje. Me pikë të barabarta por me goldiferencë më të dobët pozicionohet Bora në vendin e tretë, ndërsa Ylli i Suharekës renditet i katërti gjithashtu me tetë pikë. Sigal Prishtina zë vendin e pestë me shtatë pikë, kurse rënien më të madhe e ka shënuar Peja, e cila pas javës së kaluar në vendin e katërt ka rënë në pozitën e gjashtë me dy fitore e tri humbje. Në dy vendet e fundit të tabelës ndodhen Rahoveci 029 dhe Vëllaznimi me nga gjashtë pikë secila dhe vetëm nga një fitore.