Autobusi me rreth 90 nxënës godet shkëmbin në Malin e Zi
Një autobus me rreth 90 nxënës është përfshirë në një aksident të rëndë në Malin e Zi pasi ka goditur një shkëmb.
Një aksident i rëndë komunikacioni ka ndodhur në Malin e Zi, pasi një autobus me rreth 90 nxënës që po ktheheshin nga ekskursioni ka goditur një shkëmb në rrugën magjistrale Mojkovac – Kolashin. Ngjarja ka ndodhur në vendin e quajtur Shtitariçka Rijeka.
Sipas informacioneve të para, dyshohet se nga kodra kanë rënë gurë në rrugë dhe shoferi është përpjekur t'i shmangë ato, por ka goditur shkëmbin me pjesën e përparme të djathtë të autobusit. Në aksident është lënduar rëndë udhëheqësi i udhëtimit, i cili ka pësuar frakturë të legenit dhe të një unaze të shtyllës kurrizore, ndërsa katër persona të tjerë kanë pësuar lëndime më të lehta, mes të cilëve edhe tre nxënës të shkollës fillore nga Podgorica. Të lënduarit janë transportuar në spitalin e Bijelo Polje-s dhe më pas i lënduari rëndë është dërguar në Qendrën Kliniake të Malit e Zi.
Në autobus ndodheshin rreth 90 nxënës. Një pjesë e fëmijëve janë transportuar drejt Podgoricës me automjete private, kurse për të tjerët është dërguar një autobus tjetër nga agjencia. Disa prindër kanë arritur në vendngjarje dhe i kanë marrë vetë fëmijët e tyre. Policia i ka bërë testin e alkoolit shoferit dhe ai rezultoi se nuk ka qenë nën ndikimin e alkoolit, ndërsa është njoftuar edhe prokurori kompetent shtetëror.