Si rikrijoi Ashley Roberts pamjen ikonike të Madonnës?
Ish-anëtarja e Pussycat Dolls zgjodhi një veshje të frymëzuar nga Grammy 2006 për të festuar albumin e ri të Mbretëreshës së Popit.
LONDËR — Ashley Roberts tërhoqi vëmendjen në festën e lansimit të albumit të ri të Madonnës, “Confessions II”, duke u shfaqur me një paraqitje të frymëzuar nga një prej dukjeve më ikonike të Mbretëreshës së Popit.
Ish-anëtarja e grupit Pussycat Dolls u paraqit me një fustan korse ngjyrë vjollcë, i ngjashëm me veshjen që Madonna kishte veshur në ceremoninë e ndarjes së çmimeve Grammy në vitin 2006. Eventi u mbajt në Magazine London, ku Madonna festoi publikimin e albumit të saj të 15-të në studio.
Në mbrëmjen festive morën pjesë edhe emra të tjerë, përfshirë aktoren Jaime Winstone, e cila rikrijoi stile të viteve '80 dhe '90. Albumi “Confessions II”, i publikuar më 3 korrik, vjen si vazhdim i projektit “Confessions on a Dance Floor” dhe shënon rikthimin e artistes pas turneut “Celebration”.
Burim: Telegrafi
— Redaksia ZHURMA