Ndodh historia e pazakontë me mesfushorin e Real Madridit, Eduardo Kamavinga
Refuzimi për të blerë një çantë luksoze sjell bllokimin e futbollistit në rrjetet sociale.
Redaksia ZHURMA · · 1 min lexim
Një ngjarje e pazakontë ka tërhequr vëmendjen në rrjetet sociale, duke pasur në qendër mesfushorin e Real Madridit, Eduardo Kamavinga. Sipas informacioneve, lojtari ka qenë në një lidhje me një modele në kryeqytetin spanjoll për rreth një muaj.
Për ditëlindjen e saj, partnerja i kishte kërkuar një çantë luksoze me vlerë 25 mijë euro. Megjithatë, përgjigjja e futbollistit ka qenë ndryshe nga pritshmëritë, pasi ai i ka dërguar një kuti dhurate me produkte nga sponsorët e klubit, që përfshinin një fanellë të firmosur dhe një kapele.
E pakënaqur me dhuratën e marrë, modelja ka vendosur ta bllokojë futbollistin në të gjitha rrjetet sociale, veprim që ka nxitur komente të shumta në internet.