Arsenali merr kreun e Premier League me fitoren historike në “Anfield”

Arsenali ka triumfuar me rezultatin 0-1 në udhëtim ndaj Liverpoolit në stadiumin “Anfield”, duke i dhënë fund pritjes 14-vjeçare për një fitore në këtë stadium në kampionat. Ndeshja u vendos në minutën e 16-të, kur Declan Rice dërgoi një top tokazi për Kai Havertz, i cili u tregua i saktë dhe dërgoi topin në rrjetë për t'i dhënë epërsinë skuadrës së drejtuar nga Mikel Arteta.

Gjatë pjesës së parë, vendasit pretenduan penallti në minutën e 29-të pas një rrëzimi në zonë, por arbitri vazhdoi lojën. Për të ruajtur epërsinë, portieri David Raya ishte vendimtar me ndërhyrjet e tij për të ndalur rastet e rrezikshme të Liverpoolit. Me këtë triumf, skuadra londineze ndërpreu serinë prej 13 ndeshjesh pa fitore në “Anfield” në kampionat dhe arriti fitoren e 300-të si mysafir në historinë e Premierligës.

Pas nëntë ndeshjesh, Arsenali kryeson tabelën me 24 pikë, duke u shkëputur tri pikë nga Manchester City, ndërsa Liverpooli renditet në pozitën e pestë me 15 pikë.