Arrestohet punonjësi i policisë në Kavajë për korrupsion
Agjencia e Mbikëqyrjes Policore ekzekuton masën e sigurisë «Arrest në burg» ndaj efektivit të Komisariatit të Kavajës.
Redaksia ZHURMA · · Përditësuar · 1 min lexim
KAVAJË — Agjencia e Mbikëqyrjes Policore ka ekzekutuar urdhrin e Prokurorisë së Durrësit për zbatimin e vendimit të Gjykatës së Shkallës së Parë të Juridiksionit të Përgjithshëm Durrës, të datës 16 nëntor 2026, për caktimin e masës së sigurimit personal «Arrest në burg» ndaj një punonjësi të Policisë së Shtetit.
Në pranga është vënë efektivi me inicialet A.C., me detyrë punonjës i rolit bazë në Komisariatin e Policisë Kavajë. Sipas njoftimit zyrtar të AMP-së, masa është caktuar mbi bazën e dyshimeve për përfshirjen e tij në veprimtari të kundërligjshme gjatë ushtrimit të funksionit. Ai akuzohet për veprat penale «Shpërdorimi i detyrës» dhe «Korrupsioni pasiv i personave që ushtrojnë funksione publike», të parashikuara nga nenet 248 dhe 259 të Kodit Penal.
Ndërkohë, hetimet vijojnë në bashkëpunim me organin e akuzës, me qëllim dokumentimin e plotë të veprimtarisë së dyshuar penale dhe kriminale të efektivit.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar