Arrestohet pronari i hotelit në Vaqarr për trafikim emigrantësh

TIRANË — Policia e Tiranës ka finalizuar operacionin policor të koduar “Stafeta”, pas arrestimit në flagrancë të një 66-vjeçari, pronar i një hoteli në Vaqarr. Sipas autoriteteve, i arrestuari dyshohet se kishte strehuar në hotelin e tij shtatë emigrantë nga Sudani dhe u kishte siguruar dy automjete taksi për t'i nisur në drejtim të Koplikut, me qëllim kalimin e paligjshëm të kufirit drejt vendeve të Bashkimit Evropian. Gjatë operacionit, autoritetet sekuestruan dy armë gjahu, fishekë, shtatë celularë, dy automjete dhe librin e regjistrimit të klientëve të hotelit. Shtatë emigrantët u ndaluan nga Policia Kufitare dhe po procedohen në gjendje të lirë, ndërsa materialet procedurale i u përcollën prokurorisë.