Arrestohet në Spanjë shqiptari Taulant Toma, i njohur si mjeshtri i arratisjeve

Policia Kombëtare Spanjolle ka arrestuar në Tarragona të Katalonjës 42-vjeçarin shqiptar Taulant Toma, i njohur gjerësisht si “mjeshtri i arratisjeve”. Sipas autoriteteve, ai kishte arritur të ikte nga katër burgje të ndryshme, respektivisht tri në Itali dhe një në Belgjikë.

Arratisja e tij e fundit ishte realizuar në dhjetor nga burgu i sigurisë së lartë Opera në Milano. Gjatë operacionit të kapjes në lagjen Campclar, ai dhe personat që e shoqëronin bënë rezistencë, ndërsa u raportua se ai ndodhej në Spanjë me dokumente të falsifikuara që nga janari. Tani pritet ekstradimi i tij në Itali për të vuajtur dënimin e mbetur.