Arrestohet i dyshuari në kërkim për mashtrim me viza pune në Gjermani
Një person është arrestuar në Kamenicë pasi dyshohet se mori nga 1200 euro nga tre persona për viza pune.
Redaksia ZHURMA · · Përditësuar · 1 min lexim
Policia e Kosovës ka arrestuar një person i cili ka qenë në kërkim policor për shkak të dyshimit për veprën e mashtrimit. Sipas njoftimeve, rasti ka nisur në tetor të vitit 2023 në Kamenicë, ku i dyshuari kishte mashtruar tre viktima, meshkuj kosovarë, duke u marrë nga 1200 euro me premtimin se do t'u siguronte termine për viza pune në Gjermani.
I dyshuari është arrestuar më 11 nëntor 2026. Pas përfundimit të intervistimit dhe me vendim të prokurorit përgjegjës, ai është dërguar në masën e mbajtjes.
