Arrestohet 44-vjeçari në Tepelenë, iu gjetën armë dhe kokainë
Një 44-vjeçar i dënuar më parë për vrasje është vënë në pranga në Tepelenë, pasi në banesën e tij u zbuluan armë pa leje dhe kokainë.
Redaksia ZHURMA · · 1 min lexim
GJIROKASTËR — Policia ka finalizuar operacionin e koduar “Historiku”, duke arrestuar në flagrancë një 44-vjeçar me inicialet S. L., banues në Tiranë, i cili rezulton të jetë dënuar më parë për vrasje. Arrestimi i tij erdhi si rezultat i kontrolleve dhe punës operative me objektiva mbikëqyrjen e shtetasve me precedentë penalë dhe parandalimin e ngjarjeve kriminale.
Gjatë kontrolleve të ushtruara nga specialistët për Hetimin e Narkotikëve në bashkëpunim me Sektorin Operacional dhe shërbimet e Komisariatit të Policisë Tepelenë, u konstatua se 44-vjeçari mbante pa leje në një banesë tjetër të tij në fshatin Majkosh dy armë dhe një sasi lënde të dyshuar narkotike kokainë. Sipas njoftimit zyrtar, njëra prej armëve është pistoletë me municion, ndërsa tjetra është armë sportive.
Materialet procedurale i janë referuar Prokurorisë për veprime të mëtejshme.
