Çfarë ndodhi me armën zjarri në Ferizaj?
Policia sekuestron një pistoletë me 8 fishekë nga pasagjeri i një Lamborghini
FERIZAJ — Një kontroll rutinë i Policisë në Ferizaj ka rezultuar me sekuestrimin e një arme zjarri që ndodhej në posedim të pasagjerit të një veture luksoze Lamborghini. Sipas informacioneve, njësia reaguese ka ndaluar automjetin për kontroll, ndërsa gjatë kontrollit të pasagjerit, Valon Sadriu, rreth 34-vjeçar, është gjetur dhe sekuestruar një pistoletë e tipit "Zastava TT", si dhe një karikator me tetë fishekë të kalibrit 7.62 mm.
Burimet e Sinjalit bëjnë të ditur se arma është konfiskuar në cilësinë e provës materiale, ndërsa i dyshuari është shoqëruar në stacion policor dhe është intervistuar lidhur me rastin. Me autorizim të Prokurores kujdestare të Prokurorisë Themelore në Ferizaj, ndaj tij është iniciuar procedurë për veprën penale "Mbajtja në pronësi, kontroll ose posedim të paautorizuar të armëve".
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Burim: Sinjali
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.