Arijeta Rexhepi zgjidhet kryesuese e Grupit të Grave Deputete

Deputetja Arijeta Rexhepi është zgjedhur kryesuese e Grupit të Grave Deputete në Kuvend, në seancën e mbajtur së fundmi. Lajmin për këtë zgjedhje e ka bërë të ditur kryetarja e Kuvendit, Albulena Haxhiu, e cila ka publikuar një mesazh urimi për detyrën e re të Rexhepit.

Haxhiu ka shprehur besimin se përgjegjësia e re do t'i japë mundësi deputetes Rexhepi që të forcojë bashkëpunimin ndërmjet grave deputete, të çojë përpara barazinë gjinore dhe të fuqizojë zërin e grave në institucionin legjislativ. «Me këtë përgjegjësi të re, ajo ka mundësinë të forcojë bashkëpunimin mes grave deputete, të çojë përpara barazinë gjinore dhe ta bëjë zërin e grave edhe më të fortë në Kuvend. Në takimin e sotëm, Arijetës i urova suksese në detyrën e saj të re, punë të mbarë dhe bashkëpunim të frytshëm!», ka shkruar ndër të tjera kryetarja e Kuvendit.